• EnglishՀայերենРусский

Շինանյութերի հիմնական հատկությունները

Շինանյութ

Մարդու կողմից օգտագործվող հիմնական շինանյութերը ունեն մի շարք ընդհանուր հատկություններ։
Այդ հատկություններն են․

  • միջին խտությունը,
  • տեսակարար կշիռը,
  • ծակոտկենությունը,
  • խոնավություն,
  • ջրի կլանումը,
  • ջրի հանդեպ կայունությունը,
  • ջերմահաղորդականությունը,
  • ցրտադիմացկունությունը,
  • ամրությունը,
  • կարծրությունը,
  • ձայնային ջերմահաղորդականությունը,
  • քիմիական կայունությունը։

Շինանյութի միջին խտությունը դա նյութի զանգվածի հարաբերությունն է իր զբաղեցրած ծավալին։ Չափման միավորը կգ/մ³:

Ծակոտկենություն կոչվում է նյութի ծակոտկենների ծավալի հարաբերությունը ընդհանուր ծավալին։ Շինանյութերի ծակոտկենությունը կարող է տատանվել 0 – ից (պողպատ) մինչեւ 90% (հանքային բամբակ):
Շինանյութի ծակոտկենություն մեծացմանը զուգահեռ մեծանում է նրա խոնավություն կլանելը, ջրաթափանցելիությունը, ջերմահաղորդականությունը, և ընդհակառակ փոքրանում է ամրությունը, ցրտին դիմակայելը և քիմիական կայունությունը:

Խոնավությունը շինանյութի մեջ պարունակվող ջրի քանակն է։

Ջուր կլանելու հատկությունը դա նյութի կողմից ջուրը ներծծելու և իր մեջ պահելու ունակությունն է: Ջրի կլանման հատկությոան չափանիշը որոշվում է հնարավորինս շատ ջուր ներծծած և չոր վիճակում գտնվող նյութի զանգվածների տարբերությամբ, որը արտահայտում են տոկոսներով:

Ջրաթափանցելիությունը դա հիդրոստատիկ ճնշման առկայության դեպքում նյութի ջուր անցկացնելու ունակությունն է: Անջրանցիկության աստիճանը կախված է շինանյութի խտությունից և կառուցվածքից։

Ջերմահաղորդականությունը, դա նյութի մի մակերեսից մյուս մակաերեսին ջերմությունը հաղորդելու ունակությունն է։ Ջերմահաղորդականությունը արտահայտվում է գործակցի միջոցով։
Նյութի ծակոտկենության մեծացման հետ կապված իջնում է նրա ջերմահաղորդիչ հատկությունը։ Ցածր ջերմահաղորդականությամբ օժտված նյութերը կոչվում են ջերմամեկուսիչներ։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով